Тэмээн жингийн цуваа

(UEMF09893_043) Тэмээн жингийн цувааны дүр зураг Монголд танил дотно юм. Оскар Мамен Өргөөд сууж байхдаа бусдын л адил тэмээн жингээр ачаа бараа тээвэрлэдэг байв. 1913 онд Мамен Өргөө хотод худалдах есөн тэрэг тамхи, лаа, бөс бараа хүлээж авав. Британи Америкийн Тамхины компани Азийн лааны хамгийн том компанийн нэг “Prices Candles”-ийн худалдааны төлөөлөгч байжээ. 1912 онд Өргөө хотод тог цахилгаан гэж байсангүй. Оросын чанар муу лаа л худалдаанд байв. Британи Америкийн Тамхины компанийн лаанууд олонд нэртэй байсан тул ирсэн өдөртөө л зарагдаад дуусчихдаг байсан гэнэ. Тамхи нь ч гэсэн хүмүүст танилцуулахаар өгөх, худалдах замаар хурдан дуусдаг байв. Мамен бас хөвөн, зотон даавуу оруулж ирэн хувцас хийх гэсэн Монголын гүнж нар, албаны хүмүүст худалддаг байв. Гэхдээ арилжаа наймаа Мамены хувьд тийм ч чухал байгаагүй. Худалдаа наймаа ямар ч байсан сарын цалин гэж 200 Норвеги крон (2024 оны байдлаар 1565 ам.доллар орчим) авдаг байжээ. Хоол хүнс, орон байр, томилолтын зардлыг мөн компаниас нөхөн олгоно. 1913 оны 7-р сард Британи Америкийн Тамхины компани Хятад-Монголын дайн тулааны улмаас Хаалган хотоос жингийн цуваа явуулж чадахгүй болсон тул Британи Америкийн Тамхины компанийн Өргөө хот дахь салбарыг хаахаар болсон. Гэвч Мамен 1917 он хүртэл Британи Америкийн Тамхины компанид ажилласаар байв.