Гэр халаах технологи

(UEMF09893_373) Лувсангийн гэр. Мамен гэрийн тооноор өглөөний цэнгэг агаар орж ирсээр байтал, мөн ил гал харагдахгүй атал гэр аятайхан дулаан байсан талаар бичжээ. Хожим нь тэр шаланд зуухтай холбогддог нууц нээлхий байсныг олж мэдсэн. Тэрхүү нээлхийн дор тоосгон зуух байх ба шалан доорх халуун утаа гэрийн араар явж яндангаар гадагшилж, гэрийг халаадаг байжээ. Мамены өгүүлснээр энэ “тансаг гэрүүд” хөдөлдөггүй суурин байсан ба ихэвчлэн хашаа хүрээнд байна. Энэхүү гэрэл зурагт 1914 оны гэр халаах технологийг харуулжээ.