Karbi atum ke Karbi Anglong adung Meghalaya Arlo kedo Chomang a khai pen ta che mesen lapen Nagaland kedo Naga akhai pen talo. Lasi hini a akhai atum penta ajahak ahormu paklangpon lo. Ahormu atum ke object 46972,46973 lapen 46976-47005. Laso ahut ke khai ajutang kepaklang aphan si paklang chot, Assam a jutang a puthak kapachini ji aphan kali. Norway a det angkangpi adang paklang et aphi ke Museum of Cultural History along si ahormu ke dolo.
Object 46987 ke Assamese a gamusa.
Gamusa ke Assamese aphan ke isi angthek cheplang det lo. Assamese henlo Assam along kedo aphai ke-ong nai akhai lo.
Labangso a gamusa ke Bohag Bihu adihu ahut so-pinsomar atum aphu kachiphung lapen amoi along kachekok si theklong ji.Maan-peng kipi ahut,hem kacho pha abangu kevang , jirpo-jirpi aphan kachepangri ahut kachepangri ji a arloso pen gamusa arvak pon po. Gamusa kethak ta kachepangri ji aphan kachisik lo. Kardom-kardi along,cheng along ta gamusa en pon o. Gamusa abang ban lo te ang-e kache ven aphan si en po. Okarjang peh kethak kacharli ke gamusa pen si pangcheng pon po. Amang kitur ta lason pen si mo mekhela-chadar along tur pon po. A kaprek-kaprek akhai ta amang chinglit koi kai do o.
Objects 46988-46995 a peh ke Missing akhai a pindeng lo. Missing akhai ke Arunachal Pradesh a inglong pensi kevang. Kachthan ateng ke hako ahut khai hijan a ka chi un-eh dokok amat langroi suding nang dun pen non kedo Majuli pen Dukoakhanna along an nang le rok lo; kedo ta ladak henlo ke-ong. Laso alom ke lang inglum ver adim. Miri pu ke areng ke-lok (British) atum kedo ahut si kipu tekang non ke Missing pu si kachipu. Missing akhai a so-arlo atum ta therang thak the o. Latum kethak apeh aning hang abang do o. Assamese atum ta Missing atum kethak a mekhela-chadar chingthang. Missing atum kethak a kachi-um apeh ta Assamese atum en abang do o. Non malom ke latum ta synthetic ahon pen si peh thak e ronglo athe ban der o lapen alir ta kak der o. Missing a peh kepaklang pon abang ke phelo ahon pen si kethak. Kethak anam ke thak tang et si kepachok.
Akaprek akhai ahormu kepaklang pon ke Karbi Anglong along:
- Rengma Naga, object 47004.
- Senapati pen Kuki, Assam, object 46997.
- Meghalaya pen a Chomang, objects 46972, 46973, 46976, 46977, 46978, 46981, 46982, 46983, and 46985.
- Nagaland pen, Aao Naga, objects 47001 and 47005.
- Sema Naga, objects 46998 a – b, 46999, 47002, and 47003.
- Maring (Khoiganlu) Naga, object 47000.