Rup pen kabonda a lek-roi le hong kali te akaprek akhai atum aphan ke pa semar ta do o. Meghalaya along kedo Chomang pen Jaintia a khai atum ke hako penta rup a hormu selam thek o lapen Karbipi atum ke peh thak thek o lasi kethak tang apeh pen si rup ahormu pen chelar dun po. Non akai along ke laso a kachelar ke ington pon kok lo lasi nothengpi lapen akaprek-kaprek a lek-roi ta 1990’s alom ke kelong sung krung lo. Long sita akleng atum kibi tekang apot chot lo. Bon sita non 2020’s ahut abang ke hako a lek-roi kelang pen si akimi pa semar lepai chihung lilo. Nothengpi ta karbi akhai isi angthek ason cheplang det lo. Taralangso, Karbi Riso Nimso Rong-aje kepado aklam along ta nothengpi asonthot ahem kikim do. Hulaso ahem ke jutang ahormu kelan adim ma te museum si pinchong pon lo.
Nilitum along kepangrum pon a lek-roi ta akaprek-kapek along pen a kenangsot ahormu pangrum pet si kepasemar. Object 46960, 46961 ke Thengpi a lek amu along si ser kepali dun, object 46904: lke lek hiki, hiki pen ka bonda a lek, 46905 ke lek vaikom, lek amu achi-chi pen kabonda alek lapen arnan ta rong along si kepasemar 46906: a + b, 46907: a +b.
Hini,aphu along kachesek vojaru-ani ke Museum of Cultural History along kai ke ta ke pa bi pameka aphan Langlokso pen banghini arisomar atum si nang kelo dun. Vojaru-ani ke habit Arlo damsi ri dam nangji. Vojaru aphai ta jum o lo non ke.
Vojaru-ani ke rong-aje, chomangkan ahut ke pang-eh dunji aphan si kachesek (Object 46962).
