Buddhistiske leirsegl

Åndeleg vinning

Segla fungerte som fokuspunkt ved religiøs meditasjon, og skulle gje åndeleg vinning dersom ein ofra dei. Buddhas bilete vernar og velsignar, og dess fleire segl som blei ofra, dess større blei den åndelege vinninga. Segla blei laga ved å trykkje leire inn i ei utskoren form av tre eller stein, før dei blei brunne i enkle omnar. Ei form kunne brukast til å lage kanskje tusen segl før det utskorne motivet blei slite bort, dette gjorde at dei kunne masseproduserast.

Vis bildeoversikt Lukk

1/9

• 
• 
• 
• 
• 
• 
• 
• 
• 

Ut av holene

Theodor Peder Amundsen Ring frå Solør var kaptein i den kongelige siamesiske marinen ved overgangen til 1900-talet. Han var samlar og kjøpte gjenstandar som han seinare donerte til Etnografisk museum, som no er del av Kulturhistorisk museum.

Kaptein Ring kjøpte desse buddhistiske segla på ei av sine sjøreiser i den siamesiske marines teneste langs vestkysten av den malaysiske halvøya. Han fortel at dei vart funne i ei hole under eit lag av flaggermusguano, derfor var dei blaute, som om dei var nylaga. Lokalbefolkninga trudde derfor dei var framstilt av ånder, og våga ikkje tre inn i holene.

Ring fortel vidare at dei kinesiske peparplantarane i området hadde bruk for guanoen, og gjorde derfor … kort Proces baade med Guano, Figurer og Overtro. Det var nok peparplantarane eller nokre lokale siameserar som selde segla til Kaptein Ring, som han sidan donerte til museet i 1906. Desse leirsegla ble laga på 800-900-talet, og akkurat denne typen er sjeldan å finne, både i Thailand og andre stader.

Samtidig med segla donerte Theodor Ring 14 metallplater med innrissa buddhistiske figurar, som sannsynligvis stammar frå 1800-talet.

Samlinga av leirsegl er skildra i artikkelen skriven av Peter Skilling: Molding merit, distillation of the Dharma: Curiosity and curios in the age of collecting i antologien Royal porcelain from Siam. Unpacking the Ring Collection.

Utforsk meir

• Sjå gjenstandane i Unimusportalen
• Om Theodor Ring
• Om antologien Royal porcelain from Siam. Unpacking the Ring Collection