Midler til å fortsette forskningsarbeidet
I revidert nasjonalbudsjett for 2024 har regjeringen bevilget ni millioner kroner til Saving Oseberg-prosjektet. Dette gjør at forskningsprosjektet Saving Oseberg kan fortsette det viktige arbeidet og finne løsninger for hvordan vi best kan bevare disse flotte og unike gjenstandene.
Om prosjektet
Osebergfunnet er eit av dei viktigaste arkeologiske funna i Noreg og omfattar verdas mest omfangsrike samling av tregjenstandar frå vikingtida. I dag er tregjenstandane i dårleg forfatning på grunn av konserveringsmetodane som blei brukt for hundre år sidan; etter utgraving i 1904 blei dei mest nedbrotne gjenstandane konservert med alunsalt.
Saving Oseberg-I hadde tre års varigheit (2014-2016) og var ei forsetjing av forskinga som blei starta som Alunprosjektet (Alum Research Project; ARP, 2007-2013) ved Kulturhistorisk museum. Målet for Alunprosjektet var å danne eit vitskapeleg grunnlag for å velje konserveringsmetodar for Osebergfunnet i framtida. Saving Oseberg vurderar alternativa for å behandle og stabilisere gjenstandane frå samlinga, basert på metodar utvikla av Alunprosjektet og andre forskingsgrupper. Det er eit tverrfagleg prosjekt som knyter saman kultur- og naturvitskapelege fagområde for å ta vare på arkeologiske tregjenstandar.
Mål
Målet til Saving Oseberg-prosjektet er å hindre og/eller stoppe nedbryting av dei alunbehandla tregjenstandane frå Osebergfunnet. Det er viktig å styrke og stabilisere trevirket for å ta vare på tregjenstandane for framtidige generasjonar. Prosjektet fokuserar på fem hovuddelar:
- Dokumentasjon: dokumentere alunbehandla gjenstandar for framtida.
- Analyse: analysere nedbrytingsprosessar i alunbehandla tre, inkludert mekanisk og kjemisk karakterisering.
- Nøytralisering: evaluere og utvikle metodar for å nøytralisere treet og stoppe aktiv nedbryting, inkludert fjerning eller inaktivering av metallion.
- Konserveringsmetodar: teste eksisterande polymerar og utvikle nye metodar og protokollar for å ta vare på tregjenstandane.
- Forebyggjande konservering: gjennomføre tiltak for å betre utstillingstilhøva i Vikingskipshuset på lang sikt.
Sjølv om ikkje alle spørsmål vil bli fullstendig besvart i løpet prosjektperioden, er vidare aktivitetar planlagt. Dette vil gje Kulturhistorisk museum mogelegheita til å ta vare på dei alunbehandla gjenstandane frå Osebergfunnet.
Finansiering
Prosjektet blir finansiert av norske myndigheter og Universitetet i Oslo.
Besøksadresse
Økern Næringspark
Kabelgaten 34
Oslo
